МОСКВА, 20 декабрь. /«Дунё» АА/. Москва давлат озиқ–овқат ишлаб чиқариш университетида (МДОО?ЧУ) Николай Ким номидаги биринчи «Палов - 2021» шоличилик фестивали бўлиб ўтди, деб хабар бермоқда «Дунё» АА мухбири.
Москвадаги ўзбек ва корейс диаспоралари вакиллари томонидан ташкил этилган тадбирда Россия пойтахти ҳукумати аъзолари, дипломатик корпус, корейс миллий маданий марказлари фаоллари, МДОО?ЧУ раҳбарияти ва бошқалар иштирок этди.
Николай Ким бутун ҳаётини Хоразм вилоятида саноат миқёсида гуручнинг энг яхши навларини этиштириш технологияларини яратиш ва жорий этишга бағишлаган олим ҳисобланади. Унинг шоли етиштириш ва уруғчиликни ривожлантириш борасидаги ишларининг энг муҳим натижаларидан бири - юқори даражада ҳосилдорликка эга ва бугунги кунда жаҳонга машҳур «лазер» гуруч навининг яратилишидир.
Тадбирда МДОО?ЧУ университети ректори Михаил Балихин ва таниқли селекционер олимнинг набираси ?рина Ким сўзга чиқди.
Фестиваль доирасида Россия, Қирғизистон, Тожикистон, Туркманистон, Ўзбекистон, шунингдек, Ҳиндистон ва Жанубий Кореядан келган фольклор гуруҳлар иштирокидаги концерт дастури тақдим этилди.
Кеча сўнггида меҳмонлар ва иштирокчиларга ўзбекистонлик ошпазлар томонидан тайёрланган ўзбек миллий палови улашилди.
- Бугун биз биринчи Николай Ким номидаги шоличилик фестивали ташкил этдик, - деди ?рина Ким. - Фестивалнинг асосий мавзуси ўзбек миллий палови ҳақида бўлди. Чунки у кўплаб давлатлар ва халқларни бирлаштирадиган таомдир.
Умид қиламизки, келажакда шоличилик фестивали халқаро ҳамкорлик ва алоқаларни ривожлантиришнинг муҳим платформаларидан бирига айланади.
Мен ўз Ватаним – Ўзбекистонга салом йўллаш баробарида, барчага яхши кайфият ва дўстлик муносабатларимиз янада мустаҳкамланишини тилайман.
