ТОШКЕНТ, 9 март. /«Дунё» АА/. Жорий йил 19 март куни Россиянинг Москва шаҳрида Ўзбекистон халқ артисти Шуҳрат Аббосовнинг 90 йиллигига бағишлаб “Қалб ва қадр” хотира кечаси ўтказилади, деб хабар бермоқда «Дунё» АА мухбири “Ўзбеккино” МА маълумотига таяниб.
Ушбу хотира кечаси “Ўзбеккино” Миллий агентлиги, Россия Федерацияси кинематографчилар иттифоқи, Ўзбекистоннинг Россия Федерациясидаги элчихонаси ҳамда Россия киноактёрлар гильдияси ҳамкорлигида ташкил этилмоқда. Анжуманга Ўзбекистон ва Россиянинг таниқли санъаткорлари ҳам таклиф этилган.
“Қалб ва қадр” хотира кечаси Москвадаги Киночилар уйининг катта залида бўлиб ўтади.
