ТОШКЕНТ, 9 март. /“Дунё” АА/. “Transparency International” халқаро коррупцияга қарши кураш олиб борувчи глобал фуқаролик жамияти ташкилоти 2019 йил якуни бўйича хулосаларини эълон қилди, деб хабар бермоқда “Дунё” АА мухбири.
Мазкур ташкилот томонидан 180 та мамлакат қамраб олинган Коррупция ҳисси индекси (Corruption Perceptions Index)да Ўзбекистон 68 (100 дан) балл билан 153 ўринни қайд этди.
Мазкур индекс давлат секторида йўл қўйиладиган коррупция ҳолатларини баҳолаш, ва қолган мамлакатлар билан таққослаш, шунингдек, халқаро инвесторлар учун мамлакатнинг инвестиция жозибадорлиги каби мезонларга асосланади.
Таъкидлаш жоиз, рейтингда мамлакатимиз ўтган йилга нисбатан 5 поғона кўтарилган. Шундай қилиб Ўзбекистон индексдаги мавқеини 2011 йилдаги 177 ўриндан 2019 йилга келиб 153 ўрингача яхшилашга эришди.
Шунингдек, халқаро экспертлар Ўзбекистон мазкур рейтингда 2020 йилда ҳам ижобий натижага эришади, деган фикрда.
Мазкур рейтингда, коррупция ҳолати кам кузатилган биринчи учталик мамлакатлар қаторига Дания, Янги Зеландия, Финландия мамлакатлари қайд этилади. Рейтингнинг охирги ўринларида эса Сурия, Сомали ва Жанубий Судан номлари келтирилади.
“Дунё” АА мухбири
Ҳасанбой Ортиқов
тайёрлади
