ТОШКЕНТ, 13 май. /«Дунё» АА/. Жорий йилнинг январь–март ойлари давомида Ўзбекистон 2,1 миллион АҚШ доллари миқдорига тенг бўлган 3,3 минг тонна апельсин импорт қилди, деб хабар бермоқда “Дунё” АА мухбири.
Давлат статистика қўмитаси маълумотларида қайд этилишича, апельсин импорти ҳажми ўтган йилнинг шу давридагига нисбатан 1,4 минг тоннага ошган.
Харид қилинган бу маҳсулотнинг энг кўп қисми Эрон (1,4 минг тонна), Туркия (1,1 минг тонна), Миср Араб Республикаси (684,4 тонна), Қозоғистон (82 тонна), Жанубий Африка Республикаси (56 тонна) ва Россия (7,6 тонна) ҳиссасига тўғри келади.