ТОШКЕНТ, 28 январь. /«Дунё» АА/. “Hyatt Regency Tashkent” меҳмонхонасида “Meal&Drinks Choice Award” IV анъанавий ресторан мукофоти ғолибларини тақдирлаш маросими бўлиб ўтди, деб хабар бермоқда «Дунё»АА мухбири.
Тадбирда 2019 йилда энг яхши, деб топилган ресторан, кафе ва барлар номи эълон қилинди.
– «MD Choice Award» мукофоти ёрдамида меҳмонлар шу каби масканлар эришаётган ютуқлар ҳақида батафсил маълумотга эга бўлишади, – деди ҳакамлар ҳайъати раиси, Европа ?ттифоқининг Ўзбекистондаги делегацияси ҳамкорлик бўлими бошлиғи Франсуа Бежо. – Мукофот гастрономик туризмни ривожлантиришга йўналтирилгани билан муҳим аҳамиятга эга лойиҳадир. Бу, айниқса, мамлакатга ташриф буюрувчи чет эллик сайёҳлар учун фойдалидир.
“Meal&Drinks Choice Award” уч босқичли танлови натижаларига кўра, “Энг яхши кафе”, “Энг яхши тез овқатланиш маскани”, “Энг яхши маскан интерьери”, “Энг яхши пан-Осиё ошхонаси маскани”, “Энг яхши Европа ошхонаси маскани”, “Йил кашфиёти” каби 13 та номинация бўйича ғолиблар эълон қилинди.
