ТОШКЕНТ, 6 январь /«Дунё» АА/. Бугун, 6 январь куни Ўзбекистон Республикаси Олий Мажлиси Сенатининг ўн биринчи ялпи мажлиси ўз ишини бошлади, деб хабар бермоқда «Дунё» АА мухбири.
Видеоконференцалоқа шаклида ўтказилаётган ялпи мажлисни Сенат Раиси Танзила Нарбаева очиқ деб эълон қилди.
Cенатнинг ўн биринчи ялпи мажлис кун тартибидан «Ўзбекистон Республикасининг Конституциясига ўзгартишлар киритиш тўғрисида»ги қонунни қабул қилиш ва бошқа масалалар жой олган.
Ялпи мажлис Сенатнинг www.senat.uz расмий сайти ва ижтимоий тармоқлардаги саҳифалари ҳамда «Узрепорт»телеканали орқали жонли эфирда ёритиб борилмоқда.