ТОШКЕНТ, 19 декабрь. /«Дунё» АА/. «Ўзбекнефтгаз» АЖ бошқаруви раиси Меҳриддин Абдуллаев ва «Air Products and Chemicals, Inc.» (АҚШ) компаниясининг Марказий Европа, МДҲ бўйича вице-президенти Вацлав Харант ўртасида ҳамкорликда инвестиция лойиҳаларини амалга ошириш юзасидан музокаралар ўтказилди, деб хабар бермоқда «Дунё» АА мухбири.
«Ўзбекнефтгаз» маълум қилишича кўра, музокоралар давомида томонлар нефть-газ саноатида қўшма инвестиция лойиҳаларини амалга ошириш, жаҳон энергетика ва нефть-кимё бозорини ривожлантиришнинг ҳозирги ҳолати ва тенденцияларига оид қатор масалаларни муҳокама қилди.
«Air Products and Chemicals, Inc.» компанияси вакиллари Ўзбекистон Республикасида амалга оширилаётган ислоҳотлар ва ўзгаришларни қўллаб-қувватлаб, ўз қизиқишини билдирди.
Учрашувда томонлар ҳамкорликни давом эттириш, шунингдек, қўшма фаолиятнинг янги йўналишларини ишлаб чиқиш зарурлигига келишиб олди.