ТОШКЕНТ, 5 ноябрь. /«Дунё» АА/. «Ўзбеккино» Миллий агентлигида Япония билан ҳамкорликда суратга олиниши режалаштирилган «Сакура ифори» кинолойиҳаси бўйича онлайн видео-конференция бўлиб ўтди, деб хабар бермоқда «Дунё» АА мухбири агентлик манбасига асосланиб.
Конференцияда агентлик Бош директори Фирдавс Абдухолиқов, лойиҳа муаллифи Акбар Бектурдиев, япониялик таниқли режиссёр Сё ?гараши, координатор Котаро Окада ва бошқалар қатнашди.
Онлайн-анжуманда режиссёр Акбар Бектурдиевнинг «Сакура ифори» картинасини япониялик режиссёр Сё ?гараши билан ҳамкорликда суратга олиш бўйича келишувга эришилди.
Шунингдек, тадбирда лойиҳа учун Япониядан продюсерларни жалб этиш, фильмда иштирок этиш учун япониялик актёрлар учун кастинг ўтказиш борасида ҳам фикр алмашилди.
«Сакура ифори» кинокартинасида ?ккинчи жаҳон уруши даврида асирга олинган япон аскарларининг Ўзбекистондаги тақдири ҳақида ҳикоя қилинади.
