ТОШКЕНТ, 2 март /«Дунё» АА/. Пойтахтимизда FINA (Халқаро сув спорти турлари федерацияси)дан экспертлар Хана Ховатна ҳамда ?льдико Келеман-ван де Конижненбург иштирокида семинар ташкил қилинди, деб хабар бермоқда «Дунё» АА мухбири.
Халқаро сув спорти турлари федерацияси мутахассислари сувга сакраш бўйича маҳаллий мураббийлар учун ушбу спортдаги замонавий методлар борасида тажриба алмашди. Юртимизда мазкур спорт турининг оммавийлигини таъминлаш бўйича зарур чора-тадбир ва лойиҳалар муҳокама этилди.
Семинар сўнгида фаол иштирок этган мураббийлар халқаро ташкилотнинг махсус сертификатлари билан тақдирланди.
