ТОШКEНТ, 22 октябрь. /"Дунё" АА/. Ўзбекистон ташқи ишлар вазирлигининг "Дунё" ахборот агентлиги Президент сайловини ёритиш бўйича "Сайлов -2021" видеороликлар танловида иккинчи ўринни эгаллади.
Танлов ташкилотчилари - Марказий сайлов комиссияси, Халқаро пресс-клуб, “Юксалиш” миллий ҳаракати, Электрон оммавий ахборот воситалари миллий ассоциацияси, Миллий телерадиокомпания ва “Ўзрепорт” телеканали.
Онлайн овоз бериш натижаларига кўра, Агентлик томонидан тайёрланган видеоролик танловнинг “Энг яхши анимацион ролик” номинациясида иккинчи ўринни эгаллади.