ТОШКЕНТ, 27 ноябрь. /«Дунё» АА/. Бугун Япониянинг нуфузли «Digicon6 Asia» халқаро кинофестивалининг ижодий семинари бўлиб ўтди, деб хабар бермоқда «Дунё» АА мухбири агентлик манбасига таяниб.
Эртага 28 ноябрь куни эса кинофестиваль ғолибларини тақдирлаш маросими ўтказилади, унда фестивалнинг минтақавий босқичи ғолиблари иштирок этади.
Эслатиб ўтамиз, жорий йил 10-24 август кунлари «Ўзбеккино» Миллий агентлигида Япониянинг «DigiCon6 Asia» халқаро қисқа метражли фильмлар фестивалида иштирок этиш учун саралаш босқичлари бўлиб ўтган эди.
Маълумот учун, ўзбекистонлик ёш киноижодкорлар мазкур фестивалда иккинчи бор иштирок этмоқда.
