ТОШКЕНТ, 17 июнь . /«Дунё» АА/. Ўзбекистон туризм ва спорт вазирлиги маълумотига кўра, кеча дунёдаги энг йирик франчайзинг компанияси - “Wyndham Hotels & Resorts” халқаро меҳмонхоналар тармоғига тегишли яна бир меҳмонхона – «Ramada Encore by Wyndham Bukhara» очилишига бағишланган матбуот-анжумани бўлиб ўтди, деб хабар бермоқда «Дунё» АА мухбири.
Тадбирда туризм ва спорт вазирининг ўринбосари А.Аккулов, Бухоро вилояти ҳокими ўринбосари Б.Шаҳриёров, Ўзбекистон меҳмонхоналар уюшмаси раиси Ф.Абдуллаева, шунингдек, Россия ва МДҲда “Wyndham Hotels & Resorts” бизнесини ривожлантириш директори С.Егоров ҳамда ОАВ вакиллари иштирок этди.
“International Hotel Services” МЧЖ ҳамда “Leo Hospitality Solutions” томонидан амалга ошириладиган қўшма лойиҳа Ўзбекистонда туризм соҳасини ривожлантиришга йўналтирилган.
Тадбир якунига кўра, Бухоро шаҳрида “Wyndham Hotels & Resorts” халқаро меҳмонхоналар тармоғига тегишли «Ramada Encore by Wyndham Bukhara» меҳмонхонасини очиш тўғрисидаги келишув имзоланди.
