ТОШКЕНТ, 22 июль. /«Дунё» АА/. Бугун, 22 июль куни 16:00 да «Жиноят процессида медиациянинг ўрни: назария, амалиёт ва истиқболлар» мавзусидаги халқаро илмий-амалий видеоконференция ўз ишини бошлайди, деб хабар бермоқда «Дунё» АА мухбири Адлия вазирлиги манбасига асосоланиб.
Халқаро конференция «Zoom» онлайн платформасида бўлиб ўтади.
Унда Ўзбекистонда медиация институтини жиноят процессига татбиқ этиш ва низоларни судгача кўриб чиқишнинг ягона тизимини яратиш масалалари муҳокама қилинади.
Анжуманда миллий экспертлар билан бир қаторда АҚШ, Россия, Словения, Қозоғистон, Қирғизистон давлатидан мутахассислар иштирок этади.
