ТОШКЕНТ, 9 март. /“Дунё” АА/. Наманган вилояти ҳокимлигида вилоят Кардиология марказини модернизация қилиш бўйича Aвстриянинг “AME International GmbH” компанияси билан 10 миллион долларлик шартнома имзоланди, деб хабар бермоқда “Дунё” АА мухбири вилоят ҳокимлиги манбасига асосланиб.
Шартнома вилоят ҳокими Хайрулло Бозоров ва “ AME International GmbH” компанияси бош директори Хайнс Мессинжер томонидан имзоланди.
Ҳамкор компания шартномага мувофиқ, Австриянинг “Yunikredit” банки кредит маблағлари ҳисобига вилоят Кардиология марказини модернизация қилиш ва моддий-техник базасини мустаҳкамлаш учун замонавий тиббий жиҳозлар харид қилади ва тақдим этади.
