ТОШКЕНТ, 18 декабрь. /«Дунё» АА/. Ўзбекистон Республикаси Олий Мажлиси Сенатининг ўнинчи ялпи мажлиси бугун соат 10.00да Тошкент шаҳрида Олий Мажлис Сенатининг мажлислар залида ўз ишини бошлайди, деб хабар бермоқда «Дунё» АА мухбири
Сенатнинг видеоконференцалоқа тарзида ўтказиладиган бугунги ялпи мажлисида қатор қонунлар қабул қилинади.
Шу билан бирга, Ўзбекистон Республикаси Давлат бюджетининг 2020 йил тўққиз ойидаги ижроси муҳокама қилиниши назарда тутилган.
Қолаверса, Ўзбекистон Республикаси адлия вазирининг давлат органлари ва ташкилотларининг норма ижодкорлиги фаолияти ва ҳуқуқни қўллаш амалиётининг ҳолати тўғрисидаги ахбороти, Наманган вилояти ҳокимининг ҳудудларни ривожлантириш ҳақидаги ҳисоботи эшитилади.
Шунингдек, 2020-2023 йилларда Қорақалпоғистон Республикасини комплекс ижтимоий-иқтисодий ривожлантириш бўйича чора-тадбирлар ижро этилишининг бориши тўғрисидаги масала ҳам муҳокама қилиниши назарда тутилган.
Ялпи мажлис Сенатнинг www.senat.uz расмий сайти ва ижтимоий тармоқлардаги саҳифалари ҳамда «Ўзрепорт» телеканали орқали жонли эфирда ёритиб борилади.
