ТОШКЕНТ, 29-июль. /«Дунё» АА/. Беларусь Президенти Александр Лукашенко сешанба куни COVID-19 билан касаллангани ва уни симптомларсиз «оёқда ўтказганини» маълум қилди, деб хабар бермоқда «Дунё» АА мухбири.
«БелТА» ахборот агентлиги хабарига кўра, амалдаги Беларусь раҳбари бу ҳақда ??В қўшинларининг 3214-сонли ҳарбий қисмига ташрифи чоғида миллий хавфсизлик тизими раҳбарлари ва шахсий таркиби билан учрашув вақтида айтган.
— Энг ажабланарлиси, сиз бугун коронавирусни оёқда юриб ўтказган одам билан учрашиб турибсиз», — деди Александр Лукашенко. —Шифокорлар кеча шундай хулоса берди. Симптомларсиз. Мен аввал ҳам айтганимдек, аҳолимизнинг 97 фоизи бу касалликни симптомсиз бошдан кечирди. Мен ҳам улар сафидаман. Ниҳоят бу касалликни енгиб ўтиб, Беларуснинг олтин фондига қўшилдим», — дейди Президент.
Аввалроқ, Александр Лукашенко бошқа мамлакатлардан ўрнак олиб, бу инфекцияга қарши курашиш керак эмаслигини айтиб, қатъий чекловларни киритишдан бош тортган эди.
Сўнгги маълумотларга кўра, Беларусда 67,3 минг киши коронавирусга чалинган. Мамлакатда 538 та ҳолатда ўлим қайд этилди.
