ТОШКЕНТ, 19 июнь. /«Дунё» АА/. "Ал-Жазира" сайтида Колумбия университети профессори Ҳамид Дабашининг қомусий олим, бобокалонимиз ?бн Синоилмий меросининг бугунги кундаги аҳамиятига бағишланган мақоласи чоп этилди, деб хабар бермоқда “Дунё” АА мухбири.
Мақолада коронавирус эпидемияси шароитида дунёда буюк аллома ?бн Сино меросига қизиқиш ортгани таъкидланади.
“Карантин чекловларининг туб илдизи "Тиб қонунлари" илмий асарида асосланган бўлиб, унда аллома, энг аввало, инфекция тарқалишини "тўсишимиз" кераклиги ҳақида огоҳлантирган”, дея қайд этади Колумбия университети профессори ўз мақоласида.
Унинг қайд этишича, бугунги кунда ?бн Сино мероси жаҳон миқёсида коронавирус таъсирини енгишда ёрдам бермоқда. Дунё вирусга қарши курашиш учун замонавий тиббиёт асосчиси ҳисобланган Авиценна томонидан айтилган минг йиллик тавсияларга эътибор қаратмоқда.
