/“Dunyo” AA/. Mamlakatimizda joriy yil oxiriga qadar umumiy quvvati 2910,6 MVt bo‘lgan 7 ta elektr stansiyasi (1 ta IES, 1 ta shamol, 3 ta quyosh va 2 ta GES) ishga tushirilishi (yagona elektr tarmog‘iga ulanishi) rejalashtirilgan, deb xabar bermoqda “Dunyo” AA muxbiri.
O‘zbekiston Energetika vazirligi ularning8 ro‘yxatini eʼlon qildi. Ular quyidagilardir:
- - Sirdaryo viloyatining Shirin shahri va Boyovut tumanlari hududida quvvati 1500 MVt bo‘lgan zamonaviy issiqlik elektr stansiyasi;
- - Navoiy viloyatining Tomdi tumanida quvvati 500 MVt bo‘lgan shamol elektr stansiyasi;
- - Surxondaryo viloyatining Sherobod tumanida quvvati 457 MVt bo‘lgan quyosh fotoelektr stansiyasi;
- - Samarqand viloyatining Kattaqo‘rg‘on tumanida quvvati 220 MVt bo‘lgan quyosh fotoelektr stansiyasi;
- Jizzax viloyatining G‘allaorol tumanida quvvati 220 MVt bo‘lgan quyosh fotoelektr stansiyalari ishga tushirilishi (yagona elektr tarmog‘iga ulanishi) rejalashtirilgan.
Ahamiyatli jihati shundaki, ushbu elektr stansiyalari xorijiy kompaniyalar tomonidan 100 foiz to‘g‘ridan-to‘g‘ri investitsiyalar hisobiga amalga oshirilmoqda.
Samarqand viloyatida umumiy quvvati 13,6 MVt bo‘lgan 2 ta gidroelektr stansiyasi ishga tushiriladi. Shuningdek, To‘palang GES modernizatsiya qilinadi va uning quvvati amaldagi 30 MVtdan 175 MVtga (+145) oshiriladi.
Maʼlumot uchun: 2022 yilda umumiy quvvati 1474 MVt bo‘lgan 7 ta yangi elektr stansiyasi ishga tushirildi.
O‘zbekiston Energetika vazirligi saytidan olingan surat