ТОШКЕНТ, 28 ноябрь. /«Дунё» АА/. Жума куни Ўзбекистонда коронавирус инфекцияси қайд этилганлар 188 тага ортиб, касалланганларнинг умумий сони 72 минг 582 нафарни ташкил этмоқда, деб хабар бермоқда «Дунё» АА мухбири Соғлиқни сақлаш вазирлиги маълумотига таяниб.
Шунингдек, кеча 189 киши ушбу касалликдан фориғ бўлган, бир бемор вафот этган (COVID-19 туфайли вафот этганлар сони 608 кишига етган).
Ҳозир мамлакатимизда 2 минг 115 нафар беморга шифокорларимиз томонидан белгиланган стандартлар бўйича даво чоралари кўрилмоқда.
