ТОШКЕНТ, 7 май. /«Дунё» АА/. Тошкент педиатрия тиббиёт институтида АҚШнинг Орегон саломатлик ва фан университети профессорлари ҳамда Эпидемиология, микробиология ва юқумли касалликлар илмий-текшириш институти шифокорлари ўртасида онлайн анжуман ташкил этилди, деб хабар бермоқда «Дунё» АА мухбири Олий ва ўрта махсус таълим вазирлиги манбасига асосланиб.
Анжуманда Касбий саломатлик тиббиёт мактаби неврология фанлари профессори Питер Спенсер, Шошилинч тиббий ёрдам департаменти, шошилинч тиббий ёрдам бўлими директори профессор Моҳамуд Дая ҳамда Сент-Чарльз тиббиёт маркази кардиология департаменти директори профессор Саураб Гупта ўз маърузалари билан иштирок этди.
Конференцияда икки томон мутахассислари короновирусни даволаш бўйчиа фикр алмашди.
АҚШ мутахассислари COVID-19 билан хасталанган беморларни интенсив даволаш протоколлари, «Плаквенил» препаратининг нейротоксиклиги, дорининг ножўя таъсири ва COVID-19нинг юрак асоратлари тўғрисида маъруза қилди, ўз тажрибаси билан ўртоқлашди.
