ТОШКЕНТ, 29 май. / “Дунё” АА/. Бугун Санкт-Петербургдан “Uzbekistan Airways” АЖнинг чартер рейси Тошкентга йўл олди, деб хабар қилмоқда “Дунё” АА мухбири.
Унинг бортида 285 нафар юртдошимиз Ватанга қайтиб келмоқда.
Ўзбекистоннинг Санкт-Петербург шаҳридаги Бош консулхонаси берган хабарга кўра, йўловчиларнинг кўпчилигини ёши улуғ кексалар, ҳомиладор аёллар ва болалар ташкил этмоқда.
Кейинги ҳафта Тошкент – Санкт-Петербург – Тошкент йўналиши бўйича яна иккита авиарейс ташкил қилиниши кутилмоқда.