ТОШКЕНТ, 12 март. /«Дунё» АА/. ?орданиянинг Уммон шаҳрида бокс бўйича Токио-2020 Олимпиадасига лицензия тақдим этиш бўйича ўтказилган турнир якунланди. Унда ўзбекистонлик чарм қўлқоп усталаридан Миразизбек Мирзахалилов, Элнур Абдураимов ҳамда Баҳодир Жалолов ўз вазн тоифаларида олтин медални қўлга киритди, деб хабар бермоқда «Дунё» АА мухбири Олимпия қўмитаси хабарига асосланиб.
Шу тариқа бокс бўйича Олимпиада лицензия турнирида Ўзбекистон терма жамоаси учтадан олтин ва бронза медали ҳамда 7 та Олимпиада йўлланмасини қўлга киритиб, умумжамоа ҳисобида 1-ўринни қўлга киритди.
Бундай юксак натижанинг қўлга киритилиши ўз-ўзидан бўлгани йўқ, албатта. Бу мамлакатимиз спорт соҳасига, хусусан, боксга қаратилаётган юксак эътибор ва ғамхўрлик натижаси эканини алоҳида эътироф этиш жоиз.
Жумладан, юртимизда амалиётга жорий этилган беш муҳим ташаббуснинг иккинчи босқичи айнан ёшларни спортга жалб этишга қаратилган. Бу саъй-ҳаракатлар дунё ареналарида ўз самарасини бермоқда.
Боксчиларимиз қайд этган юксак натижалар Токио Олимпиада ўйинларида ҳам давом этишига тилакдошмиз.
Жобир Хўжақулов тайёрлади
