МОСКВА, 3 ноябрь. /«Дунё» АА/. Кеча Россиянинг «Озод журналистика маркази» сайтида россиялик сиёсатшунос, Европа-Осиё тадқиқотлари маркази директори Андрей Русаковнинг «Ўзбекистоннинг амалдаги Президенти Шавкат Мирзиёев сайловда ғалаба қозонди» деб номланган таҳлилий мақоласи эълон қилинди, деб хабар бермоқда «Дунё» АА мухбири.
Нашрда таъкидланишича, Ўзбекистон Марказий сайлов комиссияси раиси Зайниддин Низомхўжаев 29 октябрь куни овоз беришнинг якуний натижаларини эълон қилди. Унга кўра, амалдаги Президент Шавкат Мирзиёев 80,12% овоз олган.
«Бу натижа сўнгги беш йил давомида очиқлик сиёсати ва республикада ўтказилган ислоҳотлар натижасидир, - деб ёзади Андрей Русаков. - Мамлакат ижтимоий-иқтисодий ривожланиш, хусусан, транспорт воситаларини ишлаб чиқариш ва аёлларнинг ижтимоий-сиёсий ҳаётда фаол иштирок этишини қўллаб-қувватлаш бўйича етакчилардан бирига айланди. 2019 йилда Буюк Британиянинг машҳур «Тhe Economist» журнали Ўзбекистонни «Йил мамлакати», дея этироф этди».
