ПЕК?Н, 11 июнь. /“Дунё” АА/. Ўзбекистон Республикасининг Хитой Халқ Республикасидаги элчихонасида ўтган учрашув чоғида «Grand World Investment Holding Group Co.Ltd» компанияси президенти Лю Вэньгуан шу ҳақда маълум қилди.
Компания раҳбари Хитой бозорида харидоргир бўлган қишлоқ хўжалиги маҳсулотларини импорт қилиш ниятида эканини билдирди.
Мулоқот чоғида биринчи босқичда лаборатория кўригидан ўтказиш учун янги узилган гилос намуналарини етказиб бериш юзасидан келишувга эришилди. Намуна хулосалари олингач мавсум якунида қадар 200 тонна маҳсулот хариди бўйича экспорт шартномаси имзоланади.
Учрашув чоғида Ўзбекистоннинг экспорт салоҳияти ҳақида атрофлича маълумотга эга бўлган Лю Вэньгуан бу йўналишда икки мамлакат ишбилармон доиралари учун ҳамкорликда улкан истиқболлар мавжуд эканига ишонч билдирди.
Шу билан бирга, Ўзбекистонда ишлаб чиқариладиган қишлоқ хўжалиги маҳсулотлари, уларни қайта ишлаш ҳамда янги узилган мева-сабзавотларни экспортга тайёрлаш жараёни, сифат кўрсаткичи, ишлаб чиқарувчи ва экспорт қувватига оид маълумотлар ҳам компания президентида катта қизиқиш уйғотди.
“Grand World Investment Holding Group Co.Ltd” компанияси фаолияти катта қамровга эга. У Европа, Америка ва Осиёнинг ?талия, Таиланд, Малайзия, Америка Қўшма Штатлари, Чили, Австралия ва бошқа мамлакатларидан сархил меваларни импорт қилади. Ушбу компания 20 миллион аҳоли истиқомат қиладиган Пекин шаҳридаги йирик улгуржи бозорларда, шунингдек, мамлакатнинг электрон савдо шохобчалари орқали ҳам кенг қамровли фаолиятини йўлга қўйган.
Ушбу учрашув элчихонанинг мамлакатимиз мева-сабзавот маҳсулотларини ХХР бозорига экспорти ҳажмини ошириш орқали Ўзбекистон билан Хитой ўртасида икки томонлама савдо алоқаларини кенгайтириш ҳамда соҳани диверсификация қилишга йўналтирилган фаолияти доирасида ўтказилди.
