ТОШКЕНТ, 25 ноябрь. / «Дунё» АА/. 2021 йилнинг январь - октябрь ойларида Ўзбекистонга қиймати 110,2 миллион долларга тенг бўлган 300 миллион литр автомобиль бензини импорт қилинган, деб хабар бермоқда «Дунё» АА мухбири.
Давлат статистикаси қўмитаси маълумотига кўра, Ўзбекистон автомобиль бензинини энг кўп Россия (142,3 миллион литр) ва Туркманистон (136 миллион литр)дан импорт қилган. Бундан ташқари, Қозоғистондан 16 миллион литр, ?роқдан 3,6 миллион литр ва Эрондан 1,8 миллион литр бензин сотиб олган.
Бензин импорти ўтган йилга нисбатан 128 миллион литрга ошган.
Шу билан бир қаторда, жорий йилнинг январь - октябрь ойларида мамлакатимизда 902,7 минг тонна бензин ишлаб чиқарилган.
