Ўзбекистон ипагини Жанубий Кореяга экспорт қилиш истиқболлари муҳокама қилинди

29.07.2020 09:46

СEУЛ, 29 июль. /«Дунё» АА/. Ўзбекистон Республикасининг Жанубий Кореядаги элчихонасида ушбу мамлакатнинг «Shema Silk» компанияси президенти Пак Сунг Квон билан савдо-иқтисодий соҳада ҳамкорликни кенгайтириш масалалари муҳокама қилинди, деб хабар бермоқда «Дунё» АА мухбири.

Хусусан, музокаралар чоғида Ўзбекистон ипагининг Корея Республикаси бозорига етказиб берилишини йўлга қўйиш ҳақида сўз борди.

Жанубий Корея компанияси президенти Ўзбекистон ипак матолари ишлаб чиқарувчилари билан ҳамкорликни кенгайтиришдан манфаатдор эканини билдирди. Унинг таъкидлашича, ўзбек ипаги ўзининг юқори сифати, хилма-хиллиги ва бетакрор дизайни билан Жанубий Кореяда яхши таниш.

Ҳозирги кунда компания ўрганиш учун ипак матолари намуналарини тақдим этган ўзбекистонлик шериклар билан ҳамкорлик қилмоқда. Ушбу матодан Жанубий Кореянинг миллий «ханбок» либосини тикишда фойдаланиш режалаштирилган.

«Shema Silk» компанияси ипак савдоси соҳасида 30 йиллик тажрибага эга. Шунингдек, компания тайёр ипак маҳсулотларини ишлаб чиқариш қувватига эга. У Хитой ва Ҳиндистон компаниялари билан яқин ҳамкорлик қилиб келади. «Shema Silk» Ўзбекистон маҳсулотларининг юқори сифатини инобатга олган ҳолда, мамлакатимиз компаниялари билан узоқ муддатли ҳамкорликни йўлга қўйиш ниятида.

Учрашув якунида томонлар зарур маълумотларни, шу жумладан ўзбекистонлик ишлаб чиқарувчиларнинг тижорат таклифларини фаол равишда алмашиш, шунингдек, ҳамкорликнинг истиқболли йўналишларини белгилаш бўйича келишувга эришди.

Online Maslahat

Ism

E-mail

Maslahat

Useful links

booked.net
booked.net