Ўзбекистон илк бор Жаҳон банкининг инсон капитали индексида иштирок этди

18.09.2020 13:46

ТОШКЕНТ, 18 сентябрь. /“Дунё” АА/. Бу ҳақда “Дунё” АА мухбири Таълим сифатини назорат қилиш давлат инспекциясига таяниб хабар бермоқда.

Дунё аҳолисининг 98 фоизи истиқомат қилувчи 174 та мамлакат иштирок этган мазкур рейтингга илк бор Ўзбекистон соғлиқни сақлаш ва таълим соҳасига оид маълумотлар ҳам киритилди. Ушбу маълумотлар жорий йил пандемиягача бўлган даврдаги болалар саломатлиги ва таълимининг асосий кўрсаткичларини ўз ичига олади.

?нсон капиталига инвестиция (инсон ҳаёти давомида тўпланган билим, кўникма ва саломатлик) боланинг салоҳиятини намоён этиш ва ҳар бир мамлакатда иқтисодий ўсишни жадаллаштиришда асосий роль ўйнайди.

Қайд этиш керак, инсон капитали индекси боланинг келажакда қай даражада етук кадр бўлиб шаклланишини белгилайди. ?ндекс қиймати 0 дан 1 гача интервалда бўлиб, қиймат 1 га яқинлашиши бугунги болаларнинг келажакда қай даражада етук инсон бўлиб шаклланишини кўрсатади.

Жаҳон банки гуруҳи таҳлилига кўра, COVID-19 пандемияси сўнгги ўн йилликда соғлиқни сақлаш ва таълим соҳалари эришилган ютуқларга салбий таъсир кўрсатмоқда, бу айниқса энг камбағал мамлакатларга кучли таъсир кўрсатиши мумкин. Таҳлиллар шуни кўрсатдики, пандемия бошлангунга қадар аксарият давлатлар болаларда инсон капиталини шакллантириш бўйича барқарор ўсишга эришган.

Пандемия туфайли 1 миллиарддан ортиқ болалар мактабга бормади ва таълим олиш учун белгиланган ўртача олти ойлик билимларни йўқотилиши иқтисодий жиҳатдан сезиларли йўқотишларга олиб келиши тахмин қилинмоқда.

Ушбу тадқиқотларда илк бор иштирок этган Ўзбекистон 62 фоизлик натижа билан 174 мамлакат ичида 57-ўринни эгаллади. Яъни Ўзбекистон МДҲ мамлакатлари ичида Беларусь (36-ўрин), Россия (41-ўрин) ва Қозоғистон (55-ўрин)дан кейин 4-ўриндан жой олди.

Online Maslahat

Ism

E-mail

Maslahat

Useful links

booked.net
booked.net