ТОШКЕНТ, 1 февраль. /«Дунё» АА/. Ўзбекистон Энергетика вазирлигининг маълумотига кўра, 30 январь куни мамлакатимиз иссиқлик ва гидроэлектр станцияларида жами 211,9 миллион киловатт-соат электр энергияси ишлаб чиқарилган, деб хабар бермоқда «Дунё» АА мухбири.
?стеъмолчиларга 208,1 миллион киловатт-соат электр энергияси, 98,477 миллион кубометр табиий газ, 1 минг 402 тонна суюлтирилган газ ва 12 минг 219 тонна кўмир маҳсулотлари етказиб берилди.
30 январь куни Тошкент вилоятининг Бўка туманида соат 9:00дан 13:00гача Хўжақўрғон маҳалласидан ўтувчи юқори босимли қуруқликдаги газ қувурида таъмирлаш ишлари олиб борилди. Шу муносабат билан Янгиқўрғон ва Хўжақўрғон маҳаллалари ҳудудларидаги 782 хонадонга табиий газ етказиб бериш вақтинча тўхтатилди.
Диспетчерлик хизматининг хабар беришича, 31 январь куни соат 4:40 да Тошкент шаҳрининг Чилонзор тумани 20-кварталида кўп қаватли уйларни табиий газ билан таъминлайдиган ўрта босимли газ қувурида носозлик юз берган. Натижада 1 минг 800 хонадонга газ етказиб бериш вақтинча тўхтатилган. Фавқулодда вазиятни тиклаш ишлари тугагандан сўнг, газ таъминоти тикланган.
Энергетика вазирлиги энергия таъминоти билан боғлиқ барча масалалар бўйича 1154 қисқа рақамига ва газ таъминоти бўйича 1104 рақамига қўнғироқ қилиш мумкинлигини эслатади.
