ТОШКЕНТ, 21 декабрь. /«Дунё» АА/. «Ўзбекнефтгаз» АЖ тижорат департаменти томонидан Туркиянинг «BARI & PARTNERS International Trading Company» компанияси билан Европа давлатларига полимер маҳсулотларини экспорт қилиш бўйича музокаралар ўтказилди, деб хабар бермоқда «Дунё» АА мухбири.
?нвестициялар ва ташқи савдо вазирлиги маълум қилишича, мулоқот натижасида 2021 йил давомида «Ўзбекнефтгаз» АЖ таркибига кирувчи корхоналар томонидан ишлаб чиқарилган полиэтилен маҳсулотини йирик ҳажмларда, тизимли равишда биржа орқали сотиб олиниши бўйича келишувга эришилди.
Бундан ташқари, хорижий компания вакиллари томонидан йиллик 20 минг тонна ҳажмда гранулаланган олтингугурт маҳсулотини харид қилиш бўйича қизиқиш билдирилиб, тегишли таклифлар тақдим этилди.