Сўнгги уч йилдаги ислоҳотлар Ўзбекистонни Германия сармоядорлари учун жозибадор мамлакатга айлантирди — Маркус Йергер

20.07.2020 14:54

БЕРЛ?Н, 20 июль. /«Дунё» АА/. Ўзбекистоннинг Берлиндаги элчихонасида Германия кичик ва ўрта корхоналар федерал уюшмасининг (BVMW) ижрочи директори Маркус Йергер ва ушбу уюшма ижроия кенгаши аъзоси, Германия Бундестагидаги ХДС/ХСС фракциясининг ташқи сиёсат масалалари бўйича катта маслаҳатчиси Андреас Ян билан учрашув бўлиб ўтди, деб хабар бермоқда «Дунё» АА  мухбири.

Германия кичик ва ўрта бизнес федерал уюшмаси 1975 йил ташкил этилган бўлиб, мамлакатда кичик ва ўрта бизнес манфаатларини ифода этадиган энг йирик уюшма ҳисобланади.

BVMWга 900 мингдан ортиқ компания аъзо бўлган. Шунингдек,  уюшма Германия ва 40 га яқин хорижий давлатда 300 дан ортиқ ваколатхонага эга.

Уюшма президенти Марио Охофен, ўз навбатида, Европа кичик ва ўрта бизнес конфедерациясининг (СЕА-РМЕ) президенти ҳамда кичик ва ўрта бизнес глобал ташкилотининг вице-президенти ҳисобланади.

Учрашув Ўзбекистоннинг иқтисодий имкониятларини юқори баҳоланди, икки мамлакатнинг кичик ва ўрта бизнес вакиллари ўртасидаги алоқаларни янада ривожлантиришга қизиқиш билдирилди. Германия вакиллари Ўзбекистон маҳсулотларини Европа давлатларига экспорт қилиш ва мамлакатимизда юқори қўшимча қийматга эга маҳсулотлар ишлаб чиқаришда ҳамкорлик қилишга тайёрлигини маълум қилди.

Маркус Йергер фикрига кўра, Ўзбекистонда сўнгги уч йилда улкан ўзгаришлар рўй берди, кенг кўламли бозор ислоҳотлари мамлакатни немис сармоядорлари учун жозибадор масканга айлантирмоқда.

Бу, ўз навбатида, уюшма раҳбарияти томонидан BVMWнинг Тошкент шаҳрида ваколатхонасини очиш тўғрисида қарор қабул қилишида муҳим омил бўлди. Ваколатхона жроий йил июль ойида ўз фаолиятини бошлади.

Мазкур қарорни қабул қилишда, шунингдек, нуфузли халқаро институтлар ва нашрлар, хусусан, ХВЖ, Жаҳон банки ва Британиянинг «The Economist» журнали томонидан берилган юқори баҳолар ҳам муҳим аҳамият касб этгани таъкидланди.

Қурилиш материаллари ишлаб чиқариш, кимё, фармацевтика, тўқимачилик ва чарм-пойабзал саноати, қишлоқ хўжалиги маҳсулотларини қайта ишлаш, фойдали қазилмаларни қазиб олиш ва қайта ишлаш, транспорт логистикаси, туризм каби соҳалар ўзаро ҳамкорликнинг истиқболли йўналишлари сифатида қайд этилди.

Германиянинг Ўзбекистон билан ҳамкорликка қизиқиш билдираётган компаниялари халқаро бозорда катта тажрибага эга эканлигига эътибор қаратилди.  Мулоқот давомида икки мамлакат тадбиркорларининг ҳамкорлик алоқаларини қўллаб-қувватлаш мақсадида мунтазам равишда видеоконференциялар ва онлайн-кўргазмалар ташкил этиш амалиётини жорий этиш таклиф қилинди.

Музокаралар якунида томонлар қатор қўшма тадбирларни ўтказиш, шунингдек, уюшма президенти Марио Охофен бошчилигидаги делегациясининг жорий йил кузида Ўзбекистонга ташрифини ташкил этиш тўғрисида келишиб олинди.

Online Maslahat

Ism

E-mail

Maslahat

Useful links

booked.net
booked.net