КУАЛА-ЛУМПУР, 22 июль. /«Дунё» АА/. Ўзбекистон Республикасининг Малайзиядаги элчихонаси, Энергетика, ?нвестициялар ва ташқи савдо вазирликлари, Давлат-хусусий шерикликни ривожлантириш агентлиги, Бухоро ва Хоразм вилояти ҳокимлиги вакиллари иштирокида Малайзиянинг «Brisa International» компанияси директори Кевин Хармон билан онлайн музокаралар ўтказилди, деб хабар бермоқда «Дунё» АА мухбири.
Онлайн учрашувда Бухоро ва Хоразм вилоятларида «Brisa International» компанияси илғор технологиялари, замонавий ускуна ва ностандарт ечимларини жалб қилган ҳолда маиший чиқиндиларни қайта ишлаш асосида электр энергияси ишлаб чиқариш инвестиция лойиҳасини амалга ошириш масалалари муҳокама қилинди.
Малайзия томони қайта тикланадиган манбалардан электр энергиясини ишлаб чиқариш учун жорий этилган «яшил технология» бўйича техник кўрсаткичлар тўғрисидаги инвестиция лойиҳасининг тақдимотини ўтказди.
Видеконференция якунида лойиҳани амалга ошириш бўйича бизнес-режа тузиш ва тегишли маълумотларни алмашишга келишилди.
Ўрганиш ва кўриб чиқиш натижаларига кўра, лойиҳани амалга ошириш бўйича кейинги ҳаракатлар режаси ишлаб чиқилади.
