ТАШКЕНТ, 26 февраль. / «Дунё» АА /. Ўзбекистон Бош вазирининг ўринбосари Сардор Умурзоқов бошчилигида ҳамда вазирликлар, идоралар, тармоқ бирлашмалари ва тижорат банклари раҳбарларидан иборат ишчи гуруҳ Сурхондарё вилоятида жойлашган қатор саноат ва ижтимоий объектларга ташриф буюриб, ҳудуднинг ижтимоий-иқтисодий ривожланишининг жорий ҳолатини ўрганиш ва уни рағбатлантириш чора-тадбирларини ишлаб чиқиш бўйича ўз ишини давом эттирди, деб хабар бермоқда «Дунё» АА мухбири.
?нвестициялар ва ташқи савдо вазирлиги манбасига кўра, Жорий йилнинг 24 февраль куни Ўзбекистон Бош вазирининг ўринбосари Сардор Умурзоқов раҳбарлигидаги ишчи гуруҳ Сурхондарё вилояти ижтимоий-иқтисодий ривожланишининг жорий ҳолатини ўрганиш ва иқтисодий жиҳатдан ўсишини рағбатлантириш бўйича амалий чора-тадбирларни ишлаб чиқиш борасида ўтган ҳафта давомида тизимли равишда амалга оширилган ишларнинг оралиқ якунларини сарҳисоб қилди.