МАДР?Д, 14 октябрь. /«Дунё» АА/. ?спаниянинг «SERCOBE» ускуналар ишлаб чиқарувчилар ассоциацияси, Ўзбекистон ?нвестиция ва ташқи савдо вазирлиги вакиллари, шунингдек, Хоразм вилояти ҳокимлиги масъул ходимлари ва тадбиркорлар иштирокида онлайн-мулоқот бўлиб ўтди, деб хабар бермоқда «Дунё» АА мухбири.
Тадбирда томонлар қишлоқ хўжалиги соҳасида қўшма лойиҳаларни амалга ошириш имкониятлари, шунингдек, Хоразм вилоятидаги маданий объектларни қайта тиклашга оид масалаларни муҳокама қилди.
«SERCOBE» вакиллари ?спания компанияларини корпоратив халқаролаштириш жамғармаси (FIEM) ва бошқа молия институтлари орқали имтиёзли кредит маблағларини жалб қилишга тайёрлигини билдирди.
Бугун «SERCOBE» компанияси 2020-2022 йилларга мўлжалланган инвестиция дастури доирасида «Ўзбекистон темир йўллари» АЖ ва ?спаниянинг «S.A.E.IBERTEST» компанияси билан биргаликда республика темир йўл саноати корхоналарини техник ва технологик қайта жиҳозлаш лойиҳасини амалга ошираётгани таъкидланди.
«SERCOBE» компанияси Европанинг етакчи банклари ва молия институтларидан Ўзбекистон ҳукумати томонидан испан технологияларини жалб қилган ҳолда амалга ошириладиган лойиҳалар учун маблағ жалб қилиш учун кенг имкониятларга эга эканлиги қайд этилди.
Бундан ташқари, «SERCOBE» вакиллари ?спаниянинг «Kalam» компанияси билан биргаликда Хоразм вилоятидаги маданий объектларни тиклаш бўйича ишлар кўламини аниқлаш, шунингдек, халқаро донорлар ва молия институтлари маблағларини жалб қилиш учун тегишли лойиҳаларни тайёрлаш бўйича керакли тадқиқотларни олиб боришга тайёр эканлигини билдирди.
Онлайн-тадбир натижаларига кўра, Хоразм вилояти ҳокимлиги ва «SERCOBE» ўртасида ҳамкорлик бўйича битимни имзолаш тўғрисида келишувга эришилди.
