?нновация вазирлиги ва «Сколково»: Тошкентда стартап-турдан МДҲ мамлакатларининг инновацион ҳамкорлигигача

17.02.2020 11:19

ТОШКЕНТ, 17 февраль. /«Дунё» АА/. ?нновацион ривожланиш вазири ?броҳим Абдураҳмонов “Сколково“ жамғармаси Минтақавий ривожланиш ва МДҲ билан ўзаро ҳамкорлик бўйича вице-президенти муовини Александр Окунев бошчилигидаги делегацияни қабул қилди, деб хабар бермоқда «Дунё» АА мухбири вазирлик ахборот манбасига таяниб.

Учрашув доирасида МДҲга аъзо давлатлар инновацион ҳамкорлигининг давлатлараро дастури вазифаларини амалга ошириш ва ушбу дастурнинг 2030 йилгача бўлган даврдаги мақсадларини белгилаш бўйича муҳокамалар бўлиб ўтди.

?.Абдураҳмонов 2020 йилда ?нновацион ривожланиш вазирлиги ўз фаолиятида икки асосий йўналиш — иқтисодиётни рақамлаштириш ҳамда математика, кимё, биология ва геология соҳаларида илм-фанни ривожлантиришга урғу беришини айтди. Шунингдек, вазир “Сколково” билан ҳамкорлик доирасида “Якласс“ лойиҳасини ишга туширилгани ва Россия Федерацияси ?нновацияларни рағбатлантириш жамғармаси билан қўшма стартап лойиҳалар танлови эълон қилинганини алоҳида таъкидлади. Шунингдек, учрашувда Сколково резидентлари 2020 йилнинг кузида бўлиб ўтадиган ?нновацион ғоялар ҳафталиги – “Innoweek-2020”да иштирок этишга таклиф қилинди.

А. Окунев, ўз навбатида, “Сколково” жамғармаси номидан “Сколково” инновация марказида “СофтЛэндинг” дастурида ўзбекистонлик компаниялар иштирокини таъминлагани учун ?нновацион ривожланиш вазирлигига миннатдорлик билдирди.

– Ушбу дастур иштирокчилар учун фойдали бўлиш билан бир қаторда, ўзбекистонлик компаниялар ва “Сколково“ лойиҳаси иштирокчилари ўртасида бизнес ва илмий алоқаларни йўлга қўйишга хизмат қилди, деб ҳисоблаймиз, — деди Александр Окунев. — “СофтЛэндинг“ дастури иштирокчилари томонидан тақдим этилган лойиҳалар юқори даражада эканини алоҳида қайд этмоқчиман.

Томонлар 2020 йилнинг кузида Тошкентда ўтказилиши режалаштирилаётган стартап-турни ташкил этиш бўйича иш режасини муҳокама қилди. Унда иштирок этиш учун аризаларнинг қабули бўйича маълумотлар жорий йилнинг апрель ойида эълон қилиниши кутилмоқда. Окунев ўз навбатида Тошкентда бўлиб ўтадиган стартап-турга Марказий Осиё давлатларидан ҳам стартапларни таклиф этиш масаласини ўртага қўйди.

Учрашувда Ўзбекистон Республикасида “Сколково“ лойиҳасида иштирок этаётган компанияларнинг инновацион ишланмаларини жорий этиш, янги иш ўринлари яратиш, ишлаб чиқариш объектларини очиш, янги иш ўринларини ташкил этиш масаласи ҳам муҳокама қилинди.

Online Maslahat

Ism

E-mail

Maslahat

Useful links

booked.net
booked.net