Элчи Агостино Пинна: «Технопарк»да яратилган имкониятлар ?талия компаниялари учун янги истиқболларни очиб беради

13.01.2021 11:34

ТОШКЕНТ, 13 январь. / «Дунё» АА/. 13 январь куни ?талиянинг Ўзбекистондаги Элчиси Агостино Пинна ва Мамлакатимизнинг ?талиядаги Элчиси  Отабек Акбаров Тошкент шаҳар Яшнобод туманидаги  «Технопарк»да бўлиб, бу ерда яратилган имкониятлар, ?талия компаниялари билан биргаликда ишлаб чиқарилаётган маҳсулотлар билан танишдилар. ?талия томони билан инвестиция лойиҳаларини янада кенгайтириш масалаларини муҳокама қилдилар.  

Элчилар лифт ва эскалаторлар, музлатгич, саноат кондиционерлари ва совутиш тизимлари, газ ҳисоблагичлар, сув насослари, қолиплар ишлаб чиқариш жараёнини кузатдилар.

«Технопарк»да  ?талиянинг «Pietro Fiorentini»  компанияси билан ҳамкорликда «Osten» бренди остида замонавий газ ҳисоблагичлари ишлаб чиқариш лойиҳаси йўлга қўйилган. 2020 йил февраль ойида фаолият бошлаган корхонада  500 та иш ўрни яратилди. Йилига 3,5 миллион дона газ ҳисоблагич ишлаб чиқариш қувватига эга. Аҳамиятлиси, газ ҳисоблагичларининг аксарият қисмлари шу ернинг ўзида ишлаб чиқарилмоқда.

Ўзбекистоннинг ?талиядаги элчиси Отабек Акбаров айни пайтда мамлакатимиздаги қатор корхоналарда ?талиянинг илғор технологиялари ва ускуналаридан  кенг фойдаланилаётганини таъкидлади. Хусусан, бу ?талиянинг «Pietro Fiorentini», «Teronollo»  ва бошқа компаниялари билан ташкил этилган инновацион газ ҳисоблагичларини ишлаб чиқаришга ҳам тегишли.

Бу ерда ички бозорни сифатли маҳсулотлар билан таъминлаш ва уларни хорижий давлатларга экспорт қилиш мақсадида доимий ишлаб чиқариш жараёни учун бир неча сменада иш ташкил этилган.

Ушбу лойиҳага параллель равишда  иситиш қозонларини ишлаб чиқаришни йўлга қўйиш учун «Ferolli», шунингдек, компрессорлар ишлаб чиқариш учун «Embraco»  компаниялари билан музокаралар олиб борилмоқда. Жорий йилда газ ҳисоблагичларини ишлаб чиқариш линияси билан бирга ?талия компаниялари иштирокида иккита корхона ташкил этилади.

Мамлакатимизда давлатимиз раҳбарининг ташаббуси билан иқтисодиётни модернизация қилиш бўйича фаол ишлар олиб борилаётганини таъкидламоқчиман. Эски ишлаб чиқариш ускуналари замонавийлари билан алмаштирилмоқда. Шу нуқтаи назардан, ?талия ўзининг янги технологиялари, муҳандислари ва ноу-хаулари билан ушбу жараёнда фаол иштирок этиши мумкин.

?талиянинг Ўзбекистондаги элчиси Агостино Пинна ҳамкорликда ташкил этилаётган корхоналар Ўзбекистон ва ?талия ўртасидаги савдо ҳажмининг ортишига хизмат қилишини таъкидлади.

— Мен Ўзбекистондаги элчи лавозимига тайинланганимдан кейин илк марта Яшнобод «Технопарки»га келдим. Айтишим мумкинки, бу ерда амалга оширилган улкан ишлар мени ҳайратга қолдирди. «Технопарк»да бўлиш ва хорижий инвесторлар учун қандай имкониятлар яратилганлигини кўриш мен учун жуда ёқимли. Хусусан, ?талиянинг етакчи компанияларидан бири «Pietro Fiorentini» билан замонавий газ ҳисоблагичларини ишлаб чиқариш йўлга қўйилган. Ушбу компаниянинг Ўзбекистонга сармоя киритаётгани ва фаол ишлаётгани қувонарли. Қисқа вақт ичида зарур ишлаб чиқариш ускуналари ўрнатилди ва ҳозирда ишлаб чиқариш  жараёни қизғин давом этмоқда.

Ўйлайманки, ушбу лойиҳа мамлакатларимиз ўртасидаги товар айирбошлаш ҳажмининг ортишига туртки беради ва ?талия бизнесининг Ўзбекистондаги иштирокини кенгайтиришга хизмат қилади. Шунингдек, ?талия компаниялари учун янги истиқболларни очади. «Технопарк»ка келишдан олдин телевизорда ушбу лойиҳа тўғрисидаги лавҳани кўрганман. Аммо буларнинг барчасини ўз кўзим билан кўриш яхшироқ бўлди, албатта.  Таъкидлашим керакки, айни пайтда Ўзбекистонга сармоя киритишга тайёр бўлган яна иккита ?талия компанияси билан музокаралар давом этмоқда.

Меҳмонларга «Технопарк» фаолияти ва ?талия компаниялари билан ҳамкорликда амалга ошириладиган кейинги лойиҳалар бўйича тақдимот намойиш этилди. Тақдимотда 2021 йил охирига қадар импорт ўрнини босувчи ва экспортга йўналтирилган маҳсулотлар ишлаб чиқаришни ташкил этишга қаратилган яна 11 та йирик инвестиция лойиҳаларини ишга тушириш режалаштирилганлиги таъкидланди. Барча лойиҳаларни ишга туширилиши натижасида 12 мингга яқин иш ўринлари яратилади.

?талиянинг «Pietro Fiorentini» компанияси 70 йилдан ортиқ тажрибага эга ва у бутун дунёда юқори сифатли газ ҳисоблагичлари ишлаб чиқарувчиси сифатида маълум. «Тeronollo» ҳам  газни бошқариш ва ўлчаш ускуналари ишлаб чиқариш бўйича дунёдаги етакчи компаниялари бири ҳисобланади.

Тақдимотда, шунингдек, ?талиянинг «Ferolli»  компанияси ишлаб чиқаришни йўлга қўйганидан сўнг, йилига 100 киловаттдан 6 мегаваттгача бўлган 2 мингта қозонхоналар ишлаб чиқариши айтиб ўтилди. Мазкур лойиҳа учун сармояларнинг тахминий ҳажми 7,5 миллион долларга тенг. Корхона жорий йилнинг сентябрь ойигача тўлиқ ишга тушурилиши режалаштирилган. Бу ерда ишлаб чиқариладиган маҳсулотлар учун зарур эҳтиёт қисмлар тўлиқ маҳаллийлаштирилади. Қозонхоналар Европа стандартлари асосида ишлаб чиқарилади.

16 та саноат тармоғини, шунингдек, логистика марказини бирлаштирган «Технопарк», Марказий Осиёда ички ва ташқи бозорларга йўналтирилган кўплаб саноат, техник, электрон, қурилиш ва маиший маҳсулотлар ишлаб чиқариш бўйича энг илғор ва истиқболли комплексга айланиши таъкидланди.

Online Maslahat

Ism

E-mail

Maslahat

Useful links

booked.net
booked.net