ТОШКЕНТ, 3 июль. /«Дунё» АА/. Бош прокуратура Академиясида БМТнинг Гиёҳванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси билан ҳамкорликда халқаро ва миллий даражадаги экспертлар иштирокида «Фарғона водийсида ёшларнинг ижтимоий уйғунлиги учун» лойиҳаси доирасида навбатдаги видеоконференция ташкил қилинди, деб хабар бермоқда, «Дунё» АА мухбири.
Бош прокуратура хабарида айтилишича, онлайн учрашувда Тилбург университетининг виктимология бўйича мутахассиси профессор Ян Ван Дайк мазкур турдаги тадқиқотни ўтказиш тажрибаси ҳақида маълумот ва ўз тавсияларини берди.
Видеоконференция иштирокчилари тадқиқотни ўтказиш усуллари, муддат ва натижалари ҳақида хорижий экспертдан ўзларини қизиқтирган саволларга жавоб олишди.
Учрашув якунида виктимизация бўйича тегишли тренинг машғулотларини ўтказиш учун БМТнинг Гиёҳванд моддалар ва жиноятчиликка қарши кураш бўйича бошқармаси экспертларини жалб қилишга келишиб олинди.
