ТОШКЕНТ, 13 май. /«Дунё» АА/. Американинг «Bluestone» инвестиция банки Ўзбекистон қимматли қоғозлар бозорида профессионал фаолиятни амалга ошириш учун лицензиялар олди, деб хабар бермоқда “Дунё” АА мухбири Капитал бозорини ривожлантириш агентлиги манбасига асосланиб.
Ўзбекистон Республикаси Капитал бозорини ривожлантириш агентлиги «Bluestone Financial Group Inc.» молиявий компаниясига инвестиция воситачиси, инвестиция бўйича маслаҳатчи ва инвестиция активлари бўйича ишончли шахс хизматларини кўрсатиш ҳуқуқини берадиган лицензияларни тақдим этди.
Мазкур лицензиялар «Bluestone»ни Ўзбекистондаги тўлиқ бошқариладиган инвестиция банкига айлантиради.
Банк савдо, қарз капитали бозори, қимматли қоғозлар бозори, қўшилиш ва сотиб олиш, хусусийлаштириш, қайта тузиш ва капитализация амалиётларига ихтисослашган.
