ТОШКЕНТ, 7 март. /«Дунё» АА/. Аввал Саудия Арабистонинг «ACWA Power» компанияси Сирдарё ?ЭСда давлат хусусий шериклик шартлари асосида қуввати 1500 МВт бўлган комбинациялашган циклли электр станцияни қуришга 1,2 млрд долларгача инвестициялар киритиши ҳақида хабар берган эдик. Кеча Ўзбекистон Республикаси ?нвестициялар ва ташқи савдо вазирлиги ва «ACWA Power» компанияси ўртасида Сирдарё ?ЭСда қуввати 1500 МВт бўлган буғ-газ қурилмали электр станциясини қуриш бўйича инвестиция келишуви имзоланди, деб хабар бермоқда «Дунё» АА мухбири вазиклик манбасига таяниб.
Шунингдек, «Ўзбекистон миллий электр тармоқлари» АЖ ва «ACWA Power» компанияси ўртасида электр энергиясини сотиб олиш бўйича келишув имзоланди.
«ACWA Power» компанияси электр станцияни лойиҳалаштириш, молиялаштириш, қуриш ва бошқариш, яъни лойиханинг бутун циклини ўзи амалга оширади.
Мазкур объектда қурилиш ишлари 2020 йилнинг биринчи чорагида бошланиши ва 2023 йил якунида фойдаланишга топширилиши кутилмоқда.
